საქართველოს პრემიერ-მინისტრმა ბიძინა ივანიშვილმა რუსთავის -2-ის გადაცემა "პოზიციაში" განაცხადა, რომ ის არ გამორიცხავს საქართველოში ტერორისტები მომზადებას და დასაშვებად მიიჩნევს სახალხო დამცველის ანგარიშში ლაფანყურის სპეცოპერაციასთან დაკავშირებით ამ კუთხით გამოთქმული მოსაზრების მართლზომიერებას.
პრემიერის განცხადებით, ომბუდსმენის გამონათქვამები შესაძლოა მიღებულ იქნას რეალურად, მაგრამ არა დასტურად და საჭიროა გამოძიების დასრულების დალოდება.
"ომბუდსმენის გამონათქვამები შემიძლია მივიღო ძალიან რეალურად, მაგრამ არა დასტურად. დაველოდოთ გამოძიებას. მე ძალიან დიდი ეჭვები მაქვს, რომ ეს ხდებოდა რეალურად, თუმცა, გამოძიება ჯერ არ დასრულებულა და დაველოდოთ, შეიძლება ბევრი შოკისმომგვრელი ინფორმაციაც გავიგოთ", - განაცხადა პრემიერ-მინისტრმა.
ბიძინა ივანიშვილი შესაძლებლად მიიჩნევს, გამოძიება მივიდეს იმ დასკვნამდე,რომ საქართველოში ტერორისტების გარკვეული მომზადება დადასტურდეს.