საქართველოს პრეზიდენტმა მიხეილ სააკაშვილმა პარლამენტს შენიშვნები გადაუგზავნა. როგორც ჟურნალისტებთან საპარლამენტო უმრავლესობის წევრები აცხადებენ ისინი პრეზიდენტის შენიშვნების გათვალისწინებას არ აპირებენ და ვეტოს დასაძლევად ემზადებიან.
შეგახსენებთ, რომ საუბარია სისხლის სამართლის საპროცესო კოდექსში შესატანი ცვლილების პროექტზე, კერძოდ იუსტიციის საბჭოს დაკომპლექტების წესსა და ნაფიც მსაჯულთა საკითხზე, რომელსაც პრეზიდენტმა ვეტო დაადო.
მიხეილ სააკაშვილი საპარლამენტო უმრავლესობისგან ვენეციის კომისიის რეკომენდაციების გათვალისწინებას მოითხოვს, ხოლო კოალიცია ,,ქართული ოცნების" წევრები კი პრეზიდენტის გადაწყვეტილებას სასამართლო სისტემის განვითარების შეფერხების მცდელობად მიიჩნევს.
