ჯანდაცვის მინისტრი დეპუტატების შეკითხვებს სავარაუდოდ მომავალ კვირას უპასუხებს, -Aამის შესახებ ,,ჯი-ეიჩ-ენთან" საუბარში პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ დიმიტრი ხუნდაძემ განაცხადა. ხუნდაძის განცხადებით, შესაძლებელია ჯანდაცვის მინისტრი პარლამენტში კომიტეტის, ან ფრაქციის ფორმატში იქნას მოწვეული.
,,მე, პირადად ჯანდაცვის მინისტრთან შეკითხვები არ მაქვს, რადგან ჩემთვის ყველაფერი გარკვეულია, მაგრამ თუ შეკითხვები ვინმეს აქვს და ცნობილია, რომ კობა დავითაშვილს აქვს, შეგვიძლია დავით სერგეენკო პარლამენტში მოვიწვიოთ. შესაძლებელია ჯანდაცვის მინისტრი პარლამენტში მოვიწვიოთ კომიტეტის, ან ფრაქცია ,,ქართული ოცნების" ფარგლებში. ყოველ შემთხვევაში ყველა ადამიანს შესაძლებლობა მიეცემა დასვას შეკითხვები და მინისტრისგან პასუხები მიიღოს", -განაცხადა ,,ჯი-ეიჩ-ენთან" საუბარში ხუნდაძემ.
შეგახსენებთ, რომ კობა დავითაშვილმა დავით სერგეენკო სადაზღვევო კომპანიებთან შესაძლო კავშირში დაადანაშულა, რასაც ჯანდაცვის მინისტრი კატეგორიულად უარყოფს.