პარლამენტოს იურიდიულ საკითხთა კომიტეტის თავმჯდომარის ვახტანგ ხმალაძის განცხადებით, ერთი თვის განმავლობაში იუსტიციის უმაღლესი საბჭო ახალი შემადგენლობით დაკომპლექტდება. როგორც ხმალაძემ განაცხადა, ეს ალბათ, მომავალ კვირას მოხდება.
"რაც შეეხება პრეზიდენტის ვეტოს, ეს მეტყველებს მათ პოზიციაზე, რომ არ უნდათ ახალი წესის მიღება, რომელმაც უნდა უზრუნველყოს იუსტიციის უმაღლესი საბჭოს დეპოლიტიზირება, მაგრამ ჩვენ ამას მაინც გავაკეთებთ, ამ ვეტოს დავძლევთ და შემდეგ უკვე ერთი თვის განმავლობაში იუსტიციის უმაღლესი საბჭოს ახალი შემადგენლობა დაკომპლექტდება", - განაცხადა ხმალაძემ.