"სახელმწიფოებმა უნდა იფიქრონ არა ნატოს გაფართოებაზე, არამედ საერთო ევროპული უსაფრთხოების უზრუნველყოფაზე", _ ეს განცხადება რუსეთის საგარეო საქმეთა მინისტრმა სერგეი ლავროვმა ნატო-რუსეთის სხდომის დასრულების შემდეგ საქართველოს ნატოსაკენ სწრაფვის კომენტირებისას გააკეთა.
"ახლა უნდა ვიფიქროთ არა იმაზე თუ როგორ გავაფართობოთ ბლოკები შეზღუდული წევრობებით, არამედ იმაზე, რომ საერთო ევროპული უსაფრთხოება ვუზრუნველვყოთ. ღრმად ვარ დარწმუნებული, რომ საქართველოს უსაფრთხოება, ამ რეგიონის ნებისმიერი ქვეყნის უსაფრთხოება ისევე როგორც ევროატლანტიკის ნებისმიერი ქვეყნის უსაფრთხოება, მხოლოდ მოიგებს იმისგან თუ გამყოფი ხაზები, განსაკუთრებით სამხდერო ბლოკებს შორის, ლიკვიდირებული იქნება და ქვეყნები ყოველგვარი გამონაკლისის გარეშე უსაფრთხოების გარანტიებით ისარგებლებებს", _ განაცხადა ლავროვმა.
ამავე დროს, მანვე აღნიშნა, რომ "ახლა ხელოვნური გზით, ჩვენი პარტნიორები ნატოდან უარს ამბობენ იდეაზე, ჩვენს წინადადებაზე გავაფორმოთ შეთანხმება", რომლის თანახმადაც , წევრი-სახელმწიფოები აიღებდდნენ თავის თავზე პოლიტიკურ ვალდებულებას არ უზრუნველყონ თავიანთი უსაფრთხოება სხვების უსაფრთხოების ხარჯზე.
"გამოდის, რომ ჩვენს პარტნიორებს უნდათ იმ სიტუაციის შენარჩუნება როდესაც მათი აზრით არსებობს ორი ხარისხის გარანტია - პირველი ხარისხის გარანტია მათთვის ვინც ნატოშია მიღებული და მეორე ხარისხის გარანტია - ყველა დანარჩენისათვის",_ განაცხადა ლავროვმა.
მისივე თქმით, ნატოს შემდგომი გაფაროება მხოლოდ და მხოლოდ გაამწვავებს ამ რისკებს.
"რაში სჭირდება ეს საქართველოს ან ვინმე სხვას მე არ მესმის", _ განაცხადა სერგეი ლავროვმა.