,,მიხეილ სააკაშვილი პატარა ბავშვები რომ გაჟინიანდებიან ხოლმე, ასე იქცევა", -განაცხადა ჟურნალისტებთან კოალიცია ,,ქართული ოცნების" ერთ-ერთმა ლიდერმა თინა ხიდაშელმა პრეზიდენტის გადაწყვეტილების კომენტირებისას და აღნიშნა, რომ საპარლამენტო უმრავლესობა ვეტოს დაძლევს.
,,სასამართლო რეფორმა, რომელსაც ქართველი საზოგადოება ცხრა წელია ელოდება, უბრალოდ ერთი კვირით დაგვიანდება. Mმომავალ კვირას ქუთაისში შევიკრიბებით და, რა თქმა უნდა, ვეტოს დავძლევთ, ამის არანაირი პრობლემა საპარლამენტო უმრავლესობას არ აქვს", _ განაცხადა თინა ხიდაშელმა.
შეგახსენებთ, რომ პრეზიდენტმა პარლამენტის მიერ მიღებულ ორ კანონპროექტს, რომელიც ეხება საქართველოს იუსტიციის უმაღლესი საბჭოს დაკომპლექტებას და საბჭოს მოქმედი შემადგენლობისთვის უფლებამოსილების ვადამდე შეწყვეტას, მეორე კანონპროექტი კი ბრალდებულის უფლების შეზღუდვას, თავად აირჩიოს მის მიმართ მიმდინარე სისხლის სამართლის საქმე განხილულ იქნას ნაფიც მსაჯულთა სასამართლოს მიერ თუ მის გარეშე, ვეტო დაადო.