ბოსტონში მომხდარი აფეთქების ერთ-ერთი მონაწილე სწავლობდა სემინარებზე, რომლებსაც საქართველოს სპეცსამსახურები ამერიკელებთან ერთად ატარებდდნენ. ინფორმაციას ამის შესახებ გაზეთი "იზვესტია" ავრცელებს.
"იზვესტიას" ხელთ ჩაუვარდა საქართველოს შს სამინისტროს კონტრდაზვერვის დოკუმენტები, რომლებიც ადასტურეს, რომ ქართული ორგანიზაცია "კავკასიის ფონდი", რომელიც ამერიკულ არაკომერციულ ორგანიზაციასთან "ჯეიმსთაუნთან" (ამ ორგანიზაციის დირექტორთა საბჭოში ადრე შედიოდა აშშ-ს საგარეო პოლიტიკის ერთ ერთი იდეოლოგი ზბიგნევ ბზეჟინსკი) თანამშრომლობდა და ისინი აშშ-სა და საქართველოს ინტერესებისათვის სამუშაოდ ჩრდილო კავკასიის მცხოვრებლების გადაბირებას ახდენდნენ.
"საქართველოს კონტრდაზვერვის მთავარი სამმართველოს დეპარტამენტის პოლკოვნიკის, გიორგი ჭანტურიას ანგარიშების თანახმად, საქართველოს შს მინისტრის ირაკლი ღარიბაშვილის წინაშე, "კავკასიის ფონდი" "ჯეიმსთაუნის" ფონდთან ერთად 2012 წლის ზაფხულში ატარებდა ღონისძიებებსა და სემინარებს ჩრდილო კავკასიის მცხოვრები ახალგაზრდებისათვის, მათ შორის მისი რუსული ნაწილისათვის. ზოგ მათგანში მონაწილეობას იღებდა ტამერლანდ ცარნაევი, რომელიც რუსეთში 2012 წლის იანვრიდან ივლისის ჩათვლით იმყოფებოდა", _ წერს "იზვესტია" და აგრძელებს: ""კავკასიის ფონდი"- წერს ჭანტურია, 2008 წლის 7 ნოემბერს შეიქმნა, ზუსტად ქართულ-ოსური კონფლიქტის შემდეგ "ჩრდილო-კავკასიის რეგიონში მიმდინარე პროცესებზე კონტროლის დასამყარებლად". შესაბამისად საქართველოს შს სამინისტროს კონტრდაზვერვის დეპარტამენტში გაიხსნა სადაზვერვო ოპერაციის საქმე სახელწოდებით "დარიალი". ფონდის ძირითადი ამოცანა იყო ჩრდილო კავკასიელი ინტელიგენციისა და ახალგაზრდობის გადაბირება რუსეთის სამხრეთ რეგიონებში არასტაბილურობისა და ექსტრემისტული განწყობილებების გაძლიერების მიზნით.
ორგანიზაციის დაფინანსებისათვის გამოყოფილი იყო ყოველთვიური თანხა 33 ათასი ლარის ოდენობით. ორგანიზაციის შექმნის დროიდან 2013 წლს 1 იანვრამდე გამოყოფილმა თანხამ ჯამურად შეადგინა 4, 058 მილიონი ლარი", _ წერს ანგარიშში ჭანტურია.
გაზეთის ინფორმაციით, დოკუმენტებში ასევე საუბარია "კავკასიის ფონდის" მუშაობაზე აზერბაიჯანის დაღესტანის მოსაზღვრე რაიონებში - ბელაქანის, ზაქათალისა და კახის რაიონებში.
ამას გარდა, პოლკოვნიკი ანგარიშში ასევე აღნიშნავს, რომ ჩეჩნეთში საქართველოს სპეცსამსახურები "კავკასიის ფონდისა" და "ჯეიმსთაუნის" ფონდის მეშვეობით პოულობენ ადამიანებს, რომლებიც საქართველოს თანაუგრძნობენ და მათ რესპუბლიკაში სხვა და სხვა უვნებელი საბაბებით ეპატიჟებიან. ამ სემინარებზე კი რუსეთის მოქალაქების გადაბირება და ტერატქტებისათვის მათი მომზადება ხდება.
ამას გარდა, "იზვესტია" ასევე წერს, რომ "ჯეიმსთაუნის" ფონდი საქართველოში და ჩრდილო კავკასიაში არსებულ ვითარებაში თავისი ინტერესის დემონსტრირებას ახდენდა. 2007 წელს ფონდმა ჩაატარა სემინარი "ინგუშეთის მომავალი" რომელშიც მონაწლეობა ასლან მასხადოვის ყოფილმა ბოევიკებმა მიიღეს.
2010 წლის მარტში ფონდმა საერთაშორისო ოლიმპიურ კომიტეტს მიმართა და მას სთხოვა სოჭში ოლიმპიადა არ ჩაეტარებინა და ამის მოტივაციად მე -19 საუკუნის კავკასიის ომის ტრაგიკული მოვლენები მოიყვანა.
2011 წელს ფონდის პოლიტოლოგებმა იწინასწარმეტყველეს, რომ უახლოეს წელს საქართველო კავკასიაში ერთ ერთ წამყვან როლს დაიკავებს და რუსეთს სერიოზულ კონკურენციას გაუწევს "რეგიონალური ლიდერის" ხარისხში.
რუსეთის საგარეო საქმეტა სამინიტროსაც არაერთგზის გამოუხატავს თავისი რეაგირება ფონდის მიერ გატარებულ პოლიტიკაზე, მათ შორის გაუგზავნია ნოტები აშშ-ს წარმომადგენლებისათვის მოსკოვში.
მასალის გამოყენების პირობები