საქართველოს საგარეო საქმეთა მინისტრი აშშ-ის სახელმწიფო მდივანს შეხვდება. ჯონ ქერისა და მაია ფანჯიკიძის მოლაპარაკება თბილისის დროით პირველის ნახევარზეა დანიშნული.
სახელმწიფო მდივანი ნატო-ს მინისტერიალზე ამ სტატუსით პირველად იმყოფება და საქართველოს საგარეო საქმეთა მინისტრსაც პირველად შეხვდება.
აუდიენციას დაესწრება ამერიკის შეერთებულ შტატებში ახლად დანიშნული ელჩი არჩილ გეგეშიძე.
საგარეო საქმეთა მინისტრი მოლაპარაკებებს გამართავს ევროკომისარ შტეფან ფულესთან და უმაღლეს კომისარ ქეთრინ ეშტონის წარმომადგენელ ჰელგა შმიდტთანაც.
