მინისტრის თქმით, ISAF-ის შეხვედრაზე მან ავღანეთის მისიაში საქართველოს მონაწილეობაზე ისაუბრა, ამჟამად საქართველო ავღანეთში 1700-მდე სამხედრო მოსამსახურით არის წარმოდგენილი და 2014 წლის შემდეგაც გააგრძელებს ავღანეთში საკუთარ კონტრიბუციას. მინისტრის განცხადებით დღევანდელ შეხვედრაზე მან კიდევ ერთხელ ისაუბრა მთავრობის ინიციატივაზე და ალიანსის ავღანეთიდან ტვირთების უკუ-ტრანზიტისათვის ბაქო-თბილისი-ყარსის სარკინიგზო ხაზი შესთავაზა. "ჩვენ ამ საკითხზე ყოველთვის ვსაუბრობთ ნატო-ელ პარტნიორებთან. პირველად ეს ინიციატივა ნატოს გენერალურ მდივანთან შეხვედრის დროს პრემიერ-მინისტრმა გააჟღერა. ინტერესი ამ სარკინიგზო მონაკვეთის მიმართ ძალიან დიდია. თურქეთის საგარეო საქმეთა მინისტრმაც აღნიშნა ამის შესახებ საკუთარ გამოსვლაში. ანუ ეს არის სამი ქვეყნის ერთობრივი პროექტი, რომელიც ნატოსთვის შეიძლება იყოს საინტერესო. როდესაც 2014 წლის შემდეგ დაიწყება ავღანეთიდან სამხედრო შენაერთების გაყვანა და სამხედრო ტვირთების გამოტანა, ეს არის უმოკლესი და შეღავათიანი გზა. ამიტომ ეს დადებითად იქნა აღქმული დღევანდელ შეხვედრაზეც. დარწმუნებული ვარ ეს წინადადება მისაღები გახდება ნატოსთვის"-განაცხადა მაია ფანჯიკიძემ.

შეგახსენებთ საგარეო საქმეთა მინისტრმა ნატოს მინისტერიალში მიიღო მონაწლეობა, სადაც 23 აპრილს ISAF-ის წევრი ქვეყნების შეხვედრაზე სიტყვით გამოვიდა.