ამ მთავრობაში ირაკლი ოქრუაშვილს შეიძლება ვიღაც „კრიშავს". ამის შესახებ ,,პირველი რადიოს" პრესკლუბი ბუტა რობაქიძის მამამ სოსო რობაქიძემ განაცხადა.
„რატომ ინახავენ ოქრუაშვილს. მაქვს ეჭვი, რომ მას ვიღაცა მფარველობს. ადამიანს, რომელსაც მე და ენუქიძემ „სიკვდილის ბრიგადის" წევრი ვუწოდეთ, სამსახურეობრივი გადაჭარბებაც ვერ აღმოუჩინეს და გამოუშვეს"-განაცხადა რობაქიძემ და აღნიშნა, რომ ქვეყანაში თუ სამართლიანობა არ აღდგება, საქმე შესაძლოა სტრასბურგის სასამართლოში გადავიდეს.
„სად არიან ის პარტიები, რომლებიც სანდროს და ბუტას სახელებს ატრიალებენ,
ზოგმა სკამი მოირგო,ზოგი კაბინეტში შევიდა. ვერ გავიგე რატომ არ ახსენებენ ასეთ თემებს. ძალიან კარგად იცით 7 ნოემბერი რამ მოიტანა. ეს ამბები, რომ არ მომხდარიყო, ამ მთავრობას არ გაუშვებდნენ. მე 9 წელია ვუძლებ ამ ყველაფერს და კიდევ 2 წელი ვეღარ გავუძლებ", _განაცხადა რობაქიძემ.
