რეინტერგრაციის
საკითხებში სახელმწიფო მინისტრი პაატა ზაქარეიშვილი რობერტ ბოშის ფონდისა და შავი
ზღვის რეგიონალური თანამშრომლობის ორგანიზაციის წარმომადგენლებს შეხვდა.
პაატა ზაქარეიშვილმა
სტუმრებს კონფლიქტების დარეგულირებისა და სამოქალაქო ინტეგრაციის მიმართულებით
სახელმწიფო მინისტრის აპარატის საქმიანობაზე მიაწოდა ინფორმაცია, ასევე გააცნო
საქართველოს ხელისუფლების ხედვები კონფლიქტების მოწესრიგებასთან დაკავშირებით.
შეხვედრაზე ასევე, ისაუბრეს კონფლიქტების დარეგულირების პროცესში ევროპის
ჩართულობის რესურსებზე, არაღიარების პოლიტიკის გაგრძელებასა და ჟენევის
საერთაშორისო დისკუსიების მიმდინარეობაზე.
საუბარი ასევე შეეხო
ქვეყანაში მიმდინარე პროცესებს. კერძოდ, აღინიშნა, რომ დემოკრატიისკენ ნაბიჯების
გადადგმა ევროპული ღირებულებების დაცვითა და ევროპულ ინსტიტუტებთან თანამშრომლობით
ხდება.