,,კობა დავითაშვილს საკმაოდ ვეჩხუბე"_განაცხადა ჟურნალისტებთან სტრასბურგში პრემიერ-მინისტრმა ბიძინა ივანიშვილმა კობა დავითაშვილის განცხადების კომენტირებისას და აღნიშნა, რომ დავითაშვილმა განმარტებები ჯერ საკუთარ გუნდში უნდა გააკეთოს.
"ვესაუბრე კობა დავითაშვილს და საკმაოდ ვეჩხუბე. მან უნდა მოახერხოს და ჯერ საკუთარ გუნდში უნდა გააკეთოს განმარტებები. იგი მუდამ ახერხებს გარედან ინფორმაციის შემოტანას და თანაც ისე, რომ ეს არაფერს ეფუძნება. ძალიან საწყენი იყო, რომ დავითაშვილმა ეს გააკეთა. მე მას ავუხსენი, რომ თუ მას სურს გუნდში დარჩენა, გუნდს ანგარიში უნდა გაუწიოს და ინფორმაცია პირველად გუნდში გააჟღეროს. ელემენტარული წესები არსებობს ყველაფერში", _განაცხადა ივანიშვილმა და აღნიშნა, რომ დავით სერგეენკო უპატიოსნესი კაცია.
შეგახსენებთ, რომ კობა დავითაშვილი დავით სერგეენკოს სადაზღვევო სექტორთან შესაძლო გარიგებაში ადანაშაულებს, რასაც ჯანდაცვის მინისტრი კატეგორიულად უარყოფს.
