"ქართულმა დასმა" გადაწყვიტა დაიკავოს ოპოზიციის ადილი რომ სპეკულაციის საშუალება არვის ჰქონდეს - ამის შესახებ განცხადება "პრაიმტაიმის" პრესკლუბში დღევანდელ პრესკონფერენციაზე „ქართული დასის" ლიდერმა ჯონდი ბაღათურიამ გააკეთა.
ბაღათურიას თქმით, იგი პრემიერ-მინისტრის მიმართ პატივისცემას დღემდე ინარჩუნებს, თუმცა მიიჩნევს, რომ ხელისუფლების გარკვეული ნაწილი საზოგადოებას გაემიჯნა.
"ქართული ოცნება" ზედმეტად გაერთო "ნაციონალურ მოძრაობასთან" საჩვენებელი კინკლაობით. ამ კინკლაობის უკან კი "ნაციონალური მოძრაობის" პოლიტიკური გადარჩენის სურვილი დგას. ბიზნესებს გადაინაწილებენ და საპარლამენტო უმცირესობა ამ მიტაცებული ქონების ერთი ნაწილის შენარჩუნებას მაინც შეძლებს. პირდაპირ ვამბობ, ეს ქართველი ხალხის ღალატია. ჩვენ ვიცით, რომ "ნაციონალური მოძრაობა" დამნაშავეთა ბანდაა, მაგრამ "ოცნებამ" უნდა შეიგნოს, რომ ის ოპოზიციაში აღარ არის და უფრო ქმედითი ნაბიჯები გადადგას. მაშინ, როდესაც ბიუჯეტიდან ფულის გაფლანგვაზეა საუბარი, პარლამენტში ფურცლები კი არ უნდა აფრიალონ, დამნაშავე უნდა დასაჯონ",- აცხადებს ბაღათურია და დასძენს რომ პარტიაში სერიოზული რეორგანიზაცია მიმდინარეობს.
"პარტიაში სერიოზული რეორგანიზაცია მიმდინარეობს, ჩვენ შევეცდებით საზოგადოებას ვაჩვენოთ რეალური მესამე გზა", -ამბოსბ ბაღათურია.
მისი განმარტებით "ქართული ოცნება" ხალხის წინაშე "ყრუ კედლად აღიმართა" და ბევრმა დეპუტატმა ტელეფონის ნომერიც კი შეცვალა.
მასალის გამოყენების პირობები
