რუსეთის
გენერალური პროკურატურა აცხადებს, რომ რუსმა ოპოზიციონერებმა ლეონიდ რაზვოჟაევმა,
კონსტანტინე ლებედევმა და სერგეი უდალცოვმა გასული წლის მაისში ბოლოტნაიას
მოედანზე მასობრივი არეულობების ორგანიზებისათვის თითომ 50 ათასი რუსული რუბლი
მიიღო. ინფორმაციას ამის შესახებ რუსული მედია ავრცელებს.
პროკურორმა
მიხაილ რეზნიჩენკოვმა მოსკოვის საქალაქო სასამართლოში დღეს ლებედევის მიმართ
საბრალდებო დასკვნის გამოცხადებისას განაცხადა, რომ ეს ფული ფიგურანტებმა ქართველი პოლიტიკოსისაგან
გივი თარგამაძისაგან მიიღეს.
"სააგიტაციო
მასალებისათვის გამოყოფილი იყო 150 ათასი რუბლი, აქციის მონაწილეთა რაოდენობის
გაზრდისათვის სხვა რეგიონებიდან 80 ათასი რუბლი", _ განაცხადა პროკურორმა და აღნიშნა
50 ათასი რუსული რიბლი, თითომ, ოპოზიციონერებმა პირად ჯილდოდ მიიღეს.
მისივე
განცხადებით, არეულობების შემდეგ ფიგურანტებს ასევე მიეცათ ახალი თანხა - 603 ათასი რუსული რუბლი - ახალი არეულობების
მოსაწყობად.