ეროვნულ-დემოკრატიული ინსტიტუტის მიერ ჩატარებული კვლევის თანახმად (NDI) კითხვაზე, ,,ხვალ, რომ ტარდებოდეს, 2014 წლის ადგილობრივი თვითმართველობის არჩევნებში მიიღებდით, თუ არა მონაწილეობას? გამოკითხულთა 67% მონაწილეობას მიიღებდა, ხოლო 33% არა.
NDI-ის კვლევის თანახმად, გამოკითხულთა 62% ადგილობრივ არჩვნებზე კოალიცია ,,ქართული ოცნების" კანდიდატურას დაუჭერდა მხარს, ხოლო 9% ,,ნაციონალური მოძრაობის", გამოკითხულთა 17%-მა კი არ იცის რომელ კანდიდატურას დაუჭერდა მხარს ადგილობრივ თვითმმართველობის არჩევნებზე.
შეგახსენებთ, რომ კვლევა ჩატარდა 2013 წლის 13 მარტიდან 27 მარტის პერიოდში. კვლევისას საქართველოს მასშტაბით 3 103 რესპონდენტი პირისპირი ინტერვიუს პრინციპით გამოიკითხა. კვლევაში საშუალო ცდომილების ზღვარი +-2, 5%. NDI-ის კვლევა შვედეთის საერთაშორისო თანამშრომლობის განვითარების სააგენტომ დააფინანსა, ხოლო კვლევა კავკასიის კვლევითი რესურსების ცენტრმა ჩაატარა.