მაისში ისრაელში საქართველოს პრემიერ-მინისტრის ბიძინა ივანიშვილის ვიზიტი იგეგმება. "როგორც ვესტნიკ კავკაზა" იუწყება, ვიზიტის დეტალები, საგარეო საქმეთა მინისტრის მოადგილემ ჯალაღანიამ ისრაელში ვიზიტისას უკვე შეათანხმა. ბიძინა ივანიშვილის ისრაელში ვიზიტის მთავარი მიზანი საქართველო-ისრაელს შორის სავაჭრო, ეკონომიკურ და ტურისტულ სფეროებში ურთიერთობების კიდევ უფრო გაღრმავებაა.
წინასწარი ინფორმაციით, ვიზიტის ფარგლებში ბიძინა ივანიშვილმა ისრაელში ვიზიტისას შესაძლოა ისეთი მნიშვნელოვანი საკითხიც წამოწიოს, როგორიცაა თავდაცვის სფეროში თანამშრომლობის განახლება (როგორც ცნობილია, ისრაელმა უპილოტოების მოწოდება საქართველოსთვის რუსული მხარის მოთხოვნით შეწყვიტა) და საერთაშორისო პოლიტიკურ არენაზე ურთიერთობების გაღრმავება (საუბარი შესაძლოა შეეხოს საქართველოს პოზიციას გაეროში და სხვა საერთაშორისო ორგანიზაციებში).