ტურიზმის მსოფლიო ორგანიზაციის (UNWTO) განცხადებით, 2012 წელს ყველაზე მეტი თანხა საზღვარგარეთ ჩინელმა ტურისტებმა დახარჯეს. შარშანდელი მონაცემებით მეორე ადგილზე ამერიკელი და გერმანელი ტურისტები გავიდნენ. 2011 წელს კი ლიდერის ტიტულს გერმანია ფლობდა.
2012 წელს ჩინელების დანახარჯმა საზღვარგარეთ 102 მლრდ დოლარი შეადგინა, რაც წინა წელთან შედარებით 40%-ით მეტია. გერმანელმა და ამერიკელმა ტურისტებმა კი უცხოეთში საყიდლებზე 84-84 მლრდ დოლარი დახარჯეს.
ჩინელი ტურისტების მიერ დანახარჯების ზრდა 2000 წლიდან დაიწყო, ჯერ კიდევ 2005 წელს ჩინეთი რეიტინგში მეშვიდე ადგილზე იყო. თუმცა ბოლო მონაცემებით, ჩინელმა ტურისტებმა აშშ-ს, გერმანიას, იტალიას, იაპონიას, საფრანგეთსა და ბრიტანეთს გადაუსწრეს.
