„ბოლო მონაცემებით შეინიშნება ეკონომიკური აქტივობის შენელება მოთხოვნის მხრიდან. ამის პასუხად, ჩვენ დავიწყეთ პოლიტიკის შერბილება და როგორც მოგეხსენებათ ბოლო გადაწყვეტილებით შევამცირეთ რეფინანსირების განაკვეთი"- ამის შესახებ განცხადება დღეს სებ-ის პრეზიდენტმა გიორგი ქადაგიძემ ჟურნალისტებთან საუბრისას განაცხადა.
ქადაგიძის განმარტებით, იანვარი ეკონომიკურად პასიური თვეა.
„ამიტომ მომდევნო 2-3 თვე იქნება განსაკუთრებით მნიშვნელოვანი იმისათვის, რომ გამოვიტანოთ დასკვნები და სწორი ანალიზი გავაკეთოთ. სწორედ ეს პერიოდი გვიჩვენებს რეალურ სურათს: საქმე გვაქვს ფუნდამენტურ მაკროეკონიმკურ პეობლემასთან თუ ვითარება არის დროებითი, სეზონური, რომელიც ახასიათებს ხოლმე ამ პერიოდს. ჩვენ აქტიურად ვაკვირდებით მოვლენებს, ვაანალიზებთ ამ პროცესებს და შემდგომი შეხვედრებისთვის მზად ვიქნებით დეტალურად ვუპასუხოთ საჯაროდ დაინტერესებულ მხარეებს მიმდინარე პროცესებთან დაკავშირებით", - განაცხადა ეროვნული ბანკის პრეზიდენტმა.
