უკრაინამ ჯანდაცვის სისტემის განვითარების მიზნით, მსოფლიო ბანკის THRIVE-ის პროგრამის ფარგლებში, იაპონიის მთავრობისგან 51.5 მილიონი დოლარის დაფინანსება მიიღო.
ამის შესახებ უკრაინის პრემიერ-მინისტრმა სერჰი კორეცკიმ განაცხადა.
მისი თქმით, თანხა უკვე ჩაირიცხა უკრაინის სახელმწიფო ბიუჯეტში და მოხმარდება სამედიცინო მომსახურების გარანტიების პროგრამის ეფექტიანობის გაუმჯობესებასა და უკრაინის ჯანდაცვის ეროვნული სამსახურის ინსტიტუციური შესაძლებლობების გაძლიერებას.
THRIVE-ის პროგრამის საერთო მოცულობა 1.2 მილიარდ დოლარს შეადგენს. უკრაინამ პროგრამის ფარგლებში უკვე 449 მილიონი დოლარი მიიღო.
