უკრაინის ყოფილი პრემიერ-მინისტრი იულია ტიმოშენკო უკვე მეორე დღეღამეა დაუმორჩილებლობის აქციას აგრძელებს. სამართალდამცავები ტიმოშენკოს საქციელს "კაპრიზს" და "კანონდარღვევას" უწოდებენ. "ჯერ-ჯერობით ჩხუბამდე საქმე არ მისულა, რომლის პირობაც ტიმოშენკომ დადო, მაგრამ სხვა დანარჩენ შემთხვევაში ტიმოშენკო ხარკოველ პენიტენციალებს გამძლეობაზე ამოწმებს. მაგალითად, ის არ აძლევს მათ უფლებას თვალყური ადევნონ მას და ისეთ სივრცეებში ატარებს დროის უმეტესობას, სადაც ციხის კამერები დელიკატურობის და გამო დამონტაჟებული არ არის", _ წერს რუსული მედია.
"იგი ჯერ დერეფანში იყო, მერე სააბაზანოში გადაინაცვლა და მთელი ღამე იქ გაატარა. იქ არის ტახტი და გამოვყავით თბილი გადასაფარებელი",- განაცხადა ხარკოვის ოლქის სახელმწიფო პენიტენციარული სისტემის სამმართველოს წარმომადგენელმა პრესკონფერენციაზე და დასძინა, რომ მისთვის უცნობია თუ სად არის ამჟამად ტიმოშენკო.
პროკურატურა უკმაყოფილოა იულია ტიმოშენკოს მოქმედებებით და მის საქციელს "კაპრიზს" უწოდებს. ტიმოშენკომ უკვე განაცხადა, რომ მეტი საქმეს "მოსამართლე-ინკვიზიტორებთან" და ასევე გამომძიებლებთან, რომელთა "ჰიმნი იყო და არის "მურკა" - არ დაიჭერს. ხოლო თუკი მის გაჩხრეკას ან სასამართლოში წაყვანას შეეცდებიან იგი თავს დაიცავს ამ გამოთქმის პირდაპირი გაგებით.
