გერმანიის კანცლერმა ფრიდრიხ მერცმა განაცხადა, რომ შეერთებული შტატებისა და ევროპის მიერ უკრაინისთვის შეთავაზებული ცეცხლის შეწყვეტის შემდგომი გარანტიების ფარგლებში, სამშვიდობოებს გარკვეულ გარემოებებში რუსული ძალების მოგერიება შეეძლებათ,
ჟურნალისტებმა მას ბერლინში უკრაინის პრეზიდენტ ვოლოდიმირ ზელენსკისთან მოლაპარაკებების დროს შეერთებული შტატების მიერ შეთავაზებული შესაძლო უსაფრთხოების გარანტიების შესახებ ჰკითხეს. მერცმა უპასუხა, რომ გარანტები ვალდებულნი იქნებიან, ცეცხლის შეწყვეტის პირობების ნებისმიერი დარღვევის შემთხვევაში რუსული ძალები მოიგერიონ.
„ჩვენ უზრუნველვყოფთ დემილიტარიზებულ ზონას მეომარ მხარეებს შორის და, უფრო კონკრეტულად, ასევე ვიმოქმედებთ რუსეთის შესაბამისი შემოჭრისა და თავდასხმების წინააღმდეგ. ჩვენ ჯერ ამ ეტაპამდე არ მივსულვართ.
ის ფაქტი, რომ ამერიკელებმა აიღეს ასეთი ვალდებულება - დაიცვან უკრაინა ცეცხლის შეწყვეტის შემთხვევაში, ისე, თითქოს ნატო-ს ტერიტორი იყოს. მე მჯერა, რომ ეს ამერიკის შეერთებული შტატების ახალი პოზიციაა, რომელიც ყურადღებას იმსახურებს“, - - განაცხადა გერმანიის კანცლერმა.
შეგახსენებთ, რომ ორშაბათს ბერლინში ევროპელი ლიდერების შეხვედრაზე უკრაინაში შესაძლო ცეცხლის შეწყვეტის უზრუნველსაყოფად უსაფრთხოების ძალების შექმნის საკითხი დააყენეს.
