ხვალ, 9 დეკმებერს, 12:00 საათზე, "ექსპო ჯორჯიას" მესამე პავილიონში, "ჩვენი საქართველო-თავისუფალი დემოკრატების" ყრილობა გაიმართება. ყრილობაზე პარტიის ახალ თავმჯდომარეს აირჩევენ. ამის შესახებ "ჯი-ეიჩ-ენს" "თავისუფალი დემოკრატებიდან" აცნობეს.
გავრცელებული ინფორმაციით, პარტიის თავმჯდომარეობის კანდიდატი, ეროვნულ დემოკრატიული პარტიის მთავარი კომიტეტის ყოფილი წევრი და საპარტიარქოს ფონდის ყოფილი თავჯდომარე ირაკლი ქადაგიშვილია.
ყრილობაზე იგეგმება თვითმმართველობის არჩევნებთან დაკავშირებით პარტიის სამომავლო გეგმების განხილვა.
ყრილობაზე დასასწრებად 700 დელეგატია მოწვეული. მათ შორის არიან საქართველოს პრემიერ-მინისატრი ბიძინა ივანიშვილი, თავდაცვის მინისტრი ირაკლი ალასანია, იუსტიციის მინისტრი თეა წულუკიანი. ყრილობაზე ასევე ელოდებიან, კოალიცია "ქართულ ოცნებაში" შემავალი პარტიის წარმომადგენლებსაც.
"თავისუფალი დემოკრატების" თავმჯდომარე ირაკლი ალასანია იყო. მან თავმჯდომარის პოსტი თავდაცვის მინისტრად დამტკიცების შემდეგ დატოვა. ამასთან, ახალი თავმჯდომარის არჩევის შემდეგ პარტია ახალი სახელით -"თავისუფალი დემოკრატებით" გააგრძელებს საქმიანობას.
