ბიძინა ივანიშვილი ელჩების დანიშვნის სანაცვლოდ, მიხეილ სააკაშვილის გუნდიდან ერთგვარ შანტაჟზე ალაპარაკდა. როგორც პრემიერი განმარტავს, მიხეილ სააკაშვილი ახალი ელჩების დანიშვნას იმ პირობით დათანხმდება, თუ მმართველი გუნდი იმ ადამინებს გაათავისუფლებს ციხიდან, ვინც სააკაშვილის გუნდს სურს.
"მე როგორც ვიცი, მათ მოითხოვეს ციხიდან რამდენიმე ადამიანის გათავისუფლება, ციხიდან სადაც მათი რამდენიმე მათი გუნდის წევრი იხდის სასჯელს თუ ელოდება სასამართლოს განაჩენს და ამის სანაცვლოდ ისინი დაამტკიცებდნენ ელჩებს. მე კიდევ ერთხელ შევახსენებდი ჩვენს ოპონენტებსაც, პრეზიდენტსაც, საქართველოს მოსახლეობასაც თუ გინდათ ევროპელებსაც და ამერიკელებსაც. არჩევნების პროცესში 190 ადამიანი იყო ჩვენი დაპატიმრებული და აბსოლიტურად რომ ყველანი იყვნენ პოლიტიკური ნიშნით. ასობით და ათასობით ადამიანი დათხოვნილი იყო სამსახურიდან. ახლა ესენი ცდილობენ, რომ რასაც თავად აკეთებდნენ ჩვენ მოგვაკერონ. არ გამოვა ეგრე. არავითარი პოლიტიკური ნიშნით არავინ არ იდევნება. საქართველოში შერჩევითი სამართალი არ არის და ელჩებს ამათთან ნუ დააკავშირებენ", - განაცხადა ივანიშვილმა.