ქვეყნის პრემიერ-მინისტრმა საპარლამენტო უმრავლესობასთან მრავალი საკითხი განიხილა, მათ შორის კოალიციური დისციპლინა. ბიძინა ივანიშვილი აღიარებს, რომ კოალიციური დისციპლინა სუსტია.
"ძალიან საინტერესო შეხვედრა გვქონდა. ამან კიდევ ერთხელ დამარწმუნა, რომ დიდი დრო გასულა, პირველი შეხვედრიდან. ძალიან ბევრი შეკითხვები იყო. ძირითადი პრობლემა, რაც გამოიკვეთა გახლავთ ის, რომ სუსტია კოალიციური დისციპლინა. ის, რაც ჟურნალისტებმა კარგად იცით და თქვენ ბევრი გაქვთ მაგალითები იმის, რომ ხშირად კოალიციის წევრები თქვენთან ერთად ახერხებენ ურთიერთობის გარკვევას, ან ოპონენტებთან ერთად. სწორედ კოალიციური დისციპლინის გამკაცრებაზე ვისაუბრეთ. ვისაუბრეთ კოორდინაციაზე, პარლამენტსა და მთავრობას შორის. შიდა დისციპლინაზეც, საპარლამენტო თუ თუ სამთავრობო", - განაცხადა ივანიშვილმა.