„დღეს დილით, 6:30 წუთზე, ჩემი მშობლების სახლში, სურამში ჩაატარეს ჩხრეკა. "აღმოაჩინეს" და წაიღეს, ძველი ე.წ. ბრონეჟილეტი და ე.წ. "კისტის თოფი" დედაჩემი ძალიან დარდობს, "ამას რა დაალაგებს, სახლი გადმოტრიალებულიაო"-წერს ყოფილი მინისტრი სოფიალურ ქსელში.

გოგა ხაჩიძე სატელევიზიო კომენტარებში კი სამართალდამცველებსა და ივანიშვილის მთავრობას მოუწოდებს, რომ მისი ოჯახის წევრების შევიწროებას შეეშვან და თუ რაიმე სამართლებრივი დავა აქვთ თავად გოგა ხაჩიძესთან უშუალოდ მას მიმართონ.

„გამთენიისას - როგორც ბატონ კბილაშვილს უყვარს თქმა - შეიჭრნენ, ვითარცა მხეცნი - როგორც ქალბატონ წულუკიანს უყვარს თქმა- ჩემი მშობლების სახლში, სურამში და ჩაატარეს ჩხრეკა. მე მინდა მივმართო ივანიშვილის რეჟიმს: გასაგებია, რომ მათ ძალიან აღიზიანებთ ჩემი აქტიურობა პარლემენტში და ზოგადად სოციალურ ქსელებში, საზოგადოებრივად. მე მინდა მოვუწოდო მათ, რომ დაიოკონ კომპლექსები და თუ რაიმე სამართლებრივი პრობლემა აქვთ ჩემთან შეუძლიათ აირჩიონ გზები და შეეშვან ჩემი მშობლებისა და ნათესავების შევიწროებნას"- აცხადებს დეპუტატი.