,,საქართველოს მომავალი ევროატლანტიკურ ოჯახზე გადის", _ განაცხადა დიდი ბრიტანეთის მინისტრმა ევროპის საკითხებში დევიდ ლიდიგტონმა საქართველოს საგარეო საქმეთა მინისტრ მაია ფაჯიკიძესთან შეხვედრის შემდეგ გამართულ ერთობლივ პრესკონფერენციაზე.
მისივე განცხადებით, დიდი ბრიტანეთი მხარს უჭერს საქართველოს ტერიტორიულ მთლიანობასა და სუვერენიტეტს.
,,მოხარული ვარ, რომ საქართველო აგრძელებს მჭიდრო თანამშრომლობას ნატოსა და ევროკავშირთან. საქართველო არის ევროპული ქვეყანა და საქართველოს მომავალი ევროპულ ოჯახზე გადის", - განაცხადა დევიდ ლიდიგტონმა და აღნიშნა, რომ დიდი ბრიტანეთი მხარს უჭრს საქართველოს ტერიტორიულ მთლიანობასა და სუვერენიტეტს.
,,დიდი ბრიტანეთი ერთგული რჩება საქართველოს ტერიტორიული მთლიანობისა და სუვერენიტეტის და ამ კუთხით ჩვენ კონსტრუქციულად ვაგრძელებთ თნამშრომლობას საქართველოს ხელისუფლებასთან", -განაცხადა დევიდ ლიდიგტონმა.
შეგახსენებთ, რომ საქართველოში ვიზიტის ფარგლებში დევიდ ლიდიგტონი მაია ფანჯიკიძეს შეხვდა. ვიზიტის ფარგლებში დაგეგმილია შეხვედრები საქართველოს პრეზიდენტთან,პრემიერ-მინისტრთან, უშიშრობის საბჭოს მდივანთან და მთავრობისა და სამოქალაქო სექტორის წარმომადგენლებთან. საქართველოში ვიზიტის ფარგლებში დიდი ბრიტანეთის მინისტრი ევროპის საკითხებში ევროპის სადამკვირვებლო მისიის ოფისსაც ეწვევა და მისიაში მონაწილე ბრიტანულ კონტიგენტს შეხვდება.
