მუნიციპალური ტრანსპორტის გაფიცულ მძღოლებსა და მერიის წარმომადგენლებს შორის შეხვედრა უშედეგოდ დასრულდა.
შეხვედრას, რომელსაც ,,ქართული ოცნების" გლდანის მაჟორიტარი დეპუტატი სოსო ჯაჭვლიანი, თბილისის საკრბულოს ოპოზიციური ფრაქციები, თბილისის სატრანსპორტო სამსახურის ხელმძღვანელი აკაკი ჯოხაძე და თბილისის სატრანსპორტო კომპანიის ხელმძღვანელი ლევან კოპლატაძე ესწრებოდნენ ხმაურით მიმდინარეობდა.
შეხვედრის მიმდინარეობის პროცესში მძღოლებმა თბილისის სატრანსპორტო სამსახურის ხელმძღვანელი აკაკი ჯოხაძისა და თბილისის სატრანსპორტო კომპანიის ხელმძღვანელის ლევან კოპლატაძის გადაყენება მოითხოვეს.
როგორც შეხვედრის დასრულების შემდეგ ჟურნალისტებთან სოსო ჯაჭვლიანმა განაცხადა, თუ ხვალ 12 ნოემბერს 12:00 საათამდე მძღოლების მოთხოვნები არ დააკმაყოფილდება მერიაში ფინანსურ მდგომარეობას შეიწავლის მიზნით სპეციალური მონიტორის ჯგუფი შევა.
შეგახსენებთ, რომ უკვე რამდენიმე დღეა, რაც ყვითელი ავტობუსის მძღოლები გაიფიცნენ. ისინი მერიისგან სამუშაო პირობების გაუმჯობესებას მოითხოვენ.
