3 სექტემბერს, 11:00 საათზე სასტუმრო „ქორთიარდ მარიოტი" (თავისუფლების მოედანი N4) ეროვნულ-დემოკრატიული ინსტიტუტი (NDI) გრძელვადიანი სადამკვირვებლო მისიის პირველ შუალედურ ანგარიშს წარადგენს. ანგარიში 3-27 აგვისტომდე პერიოდს მოიცავს.
NDI-ის გრძელვადიანი სადამკვირვებლო მისიის მიზანი საქართველოში 2012 წლის 1 ოქტომბრის საპარლამენტო არჩევნებისთვის ქვეყანაში არსებული საარჩევნო გარემოს სხვადასხვა ასპექტის ზუსტი და მიუკერძოებელი შეფასებაა. სადამკვირვებლო მისია სამი ანალიტიკოსისგან შედგება, რომლებიც საარჩევნო გარემოს და საარჩევნო ადმინისტრაციის მუშაობას აკვირდებიან.
საანგარიშო პერიოდის განმავლობაში, NDI-ის დამკვირვებლებმა შეხვედრები ხელისუფლებასთან, პოლიტიკური პარტიის ლიდერებთან, საარჩევნო კანდიდატებთან, საარჩევნო ადმინისტრაციის, სამოქალაქო სექტორის, მედიისა და საერთაშორისო ორგანიზაციების წარმომადგენლებთან გამართეს. ასევე დაესწრნენ საარჩევნო სუბიექტების კამპანიებსა და პოლიტიკური პარტიების სხვადასხვა ღონისძიებებს. შეხვედრების საფუძველზე მისიამ შეაფასა არჩევნებისთვის მზადების პროცესი, წინასაარჩევნო პროცესში აქტიურად ჩართული სუბიექტების პოლიტიკურ აქტივობები და ზოგადად საარჩევნო გარემო.
NDI-ის საერთაშორისო სადამკვირვებლო საქმიანობას საქართველოში აშშ-ის საერთაშორისო განვითარების სააგენტო (USAID) აფინანსებს.
