აშშ-ის პრეზიდენტი დონალდ ტრამპი აცახდებს, რომ უკრაინის პრეზიდენტ ვოლოდიმირ ზელენსკის არასდროს სურდა რუსეთის წინააღმდეგ ომის დასრულება.
ამის შესახებ ტრამპმა სოციალურ ქსელ Truth Social-ზე, დაწერა.
"რუსეთის შესახებ ჩემი გადაწყვეტილება ძალიან მარტივია. ამჟამად რუსეთსა და უკრაინას შორის ომის დასრულების მიზნით სამშვიდობო მოლაპარაკებებს ვაწარმოებ და არ მსურს ისეთი რამის გაკეთება, რაც დაუფიქრებლად რუსეთს მოლაპარაკების მაგიდიდან განარიდებს. მნიშვნელოვანი პროგრესი გვაქვს, მათ შორის, მძევლების გათავისუფლებასთან დაკავშირებულ მიმდინარე მოლაპარაკებებშიც! ამ დოკუმენტზე ახლა ხელის მოწერა სწორედ ამას გამოიწვევს, ამიტომ მისი ხელმოწერა მოგვიანებით ან ნებისმიერ დროს შემიძლია, როცა თავად გადავწყვეტ!
შესაძლოა, კიდევ უფრო მნიშვნელოვანია ის, რომ რუსეთი ისლამური რესპუბლიკა ირანის დასახმარებლად ძალიან ცოტას აკეთებს, თუ საერთოდ რამეს აკეთებს, იმის გათვალისწინებით, თუ რისი გაკეთება შეეძლო. მსურს, ეს ვითარება შენარჩუნდეს და ასეც იქნება, თუ გზაზე სულელი ადამიანები არ გადამეღობებიან.
და ბოლოს, ზელენსკი რუსეთში დიზელის საწარმოებს სამიზნედ იყენებს, რადგან იცის, რომ ეს თავდასხმები სერიოზულ ზიანს აყენებს დიზელის მსოფლიო ბაზარს, მათ შორის შეერთებულ შტატებში. ფერმერები, მეცხოველეები და ყველა სახის ბიზნესი ამის გამო დიდ ზარალს განიცდიან, თუმცა რუსეთი, ამის მიუხედავად, მსოფლიოს მილიონობით ბარელ დიზელს დაბალ ფასად აწვდის.
ზელენსკის ეს არ ადარდებს და, სიმართლე გითხრათ, იმ ფულის გათვალისწინებით, რომელსაც ევროპა, როგორც ცნობილია, მას აძლევს და რომელიც მან წარსულში „თაღლითმა ჯო ბაიდენმა“ მისცა, მას ამ ომის დასრულება არ სურს და ალბათ, არც არასდროს სურდა. ორი წლის წინ მას შეეძლო, ახლა არსებულზე უკეთესი შეთანხმებისთვის მიეღწია. მისი ქვეყანა ნანგრევებადაა ქცეული, მისი ტერიტორიის დიდი ნაწილი დაკარგულია, ოკეანეებსა და ზღვებზე წვდომა აღარ აქვს, ხოლო მისი მამრობითი მოსახლეობა შემცირებულია - ბევრი დაჭრილია ან დაღუპული.
მსურს, ეს ომი დასრულდეს!" - წერს ტრამპი.
