"ქრისტიან-დემოკრატიული მოძრაობის" საარჩევნო სიის პირველი ნომერი და პრემიერ-მინისტრობის კანდიდატი გიორგი თარგამაძე იქნება . ამის შესახებ ქდმ-ს ერთ-ერთმა ლიდერმა ლევან ვეფხვაძემ განაცხადა.
მისი თქმით, ნებისმიერ ევროპულ პარტიაში სიის პირველი ნომერი არის პრემიერობის კანდიდატი.
"ჩვენ ვართ ევროპული პარტია, ნებისმიერ ევროპულ პარტიაში სიის პირველი ნომერი არის პოტენციურად პრემიერობის კანდიდატი. აქედან გამომდინარე, გიორგი თარგამაძე იქნება პირველი ნომერი და პრემიერ-მინისტრობის კანდიდატი", - განაცხადა ლევან ვეფხვაძემ.
ვეფხვაძემ ხაზგასმით აღნიშნა, რომ გიორგი თარგამაძემ თავისი საქმიანობით არაერთხელ დაამტკიცა, რომ შეუძლია მოქალაქეების პრობლემების მოგვარება.
შეგანხსენებთ, რონ ნაციონალული მოძრაობის სიის პირველი ნომერი დავით ბაქრაძე, ხოლო პრემიერობის კანდიდატი ივანე მერაბიშვილი იქნებიან, "ქართული ოცნების" სიის პირველი ნომერი ჯერ-ჯერობით უცნობია, ხლო პრემიერობის კანდიდატი ბიძინა ივანიშვილია.
