„ერთიანი ნაციონალური მოძრაობის" თბილისის საქალაქო ორგანიზაციის თავმჯდომარემ გიგი უგულავამ და ჩუღურეთის რაიონის მაჟორიტარობის კანდიდატმა ანდრო ალავიძემ შეხვედრები გამართეს ჩუღურეთის რაიონში.
გიგი უგულავამ და ანდრო ალავიძემ აღმაშენებლის გამზ.#10-ში მდებარე სახლის სარეაბილიტაციო სამუშაოები დაათვალიერეს. სამუშაოების დასრულების შემდეგ, ეზოში მცხოვრები 22 ოჯახის მძიმე საცხოვრებელი პირობები მნიშვნელოვნად გაუმჯობესდება.
გიგი უგულავამ და ანდრო ალავიძემ ასევე შეხვედრა გამართეს მეუნარგიას ქუჩის მოსახლეობასთან და აღნიშნული რაიონის განვითრების პერსპექტივაზე ისაუბრეს.