ვლადიმერ პუტინზე თავდასხმის მომზადებაში ეჭვმიტანილი ადამ ოსმაევი საქართველოს პრეზიდენტს მიხეილ სააკაშვილს პოლიტიკურ თავშესაფარს თხოვს. ამ თხოვნით ადამ ოსმაევმა ოფიციალურ თბილისს მას შემდეგ მიმართა, რაც უკრაინამ მას იმავე თხოვნაზე უარი განუცხადა.
უკრაინის მიგრაციის სამსახურის უარი დაადასტურა სააპელაციო სასამართლომ, თუმცა მისი რუსეთში ექსტრადაციის საკითხი შეჩერებულია სტრასბურგის სასამართლოს მოთხოვნის საფუძველზე.
ვრცელდება ინფორმაცია, რომლის მიხედვითაც თუ საქართველო ადამ ოსმაევს ასევე ეტყვის უარს თავშესაფარზე, ის ფინეთის ხელისუფლებას მიმართავს.
ადამ ოსმაევზე საერთაშორისო ძებნა 2007 წელს ჩეჩნეთის ლიდერზე რამზან კადიროვზე თავდასხმის მცდელობისთვის გამოცხადდა. მას დაუკავშირდა რამდენიმე სხვა ფაქტიც. გამოძიება ამტკიცებს, რომ იგი ვლადიმერ პუტინზე თავდასხმასაც გეგმავდა.
თავის მხრივ რუსეთი აღშფოთებას გამოთქვამს ადამ ოსმაევის მისთვის გადაუცემლობის გამო. რუსი მაღალჩინოსნები დასავლეთს ორმაგ სტანდარტებში ადანაშაულებენ და აცხადებენ, - "განსაკუთრებით ნათელია აქ ყველაფერი ჯულიან ასანჯის პარალელში, როდესაც იგი შვედეთს უნდა გადაეცეს უხარისხო პრეზერვატივის გამოყენების გამო, ხოლო ადამ ოსმაევისს გადაცემა რუსეთისთვი არაჰუმანირია".
საქართველოს ხელისუფლების გადაწვეტილება ადამ ოსმაევისთვის პოლიტიკურ თავშესაფარის მინიჭების შესახებ ჯერ-ჯერობით უცნობია.
