მთავარი ბრძოლის იარაღი ჩვენს წინააღმდეგ იყო ტყუილი. ამის შესახებ საქართველოს პრეზიდენტმა მიხეილ სააკაშვილმა ახალციხეში, მოსახლეობის წინაშე სიტყვით გამოსვლისას, განაცხადა.
"ომის დღეებში რუსული ტელევიზიები ჩვენი ტელევიზიების მიერ გადაღებულ კადრებს აჩვენებდნენ, თუ როგორ ბომბავდნენ რუსული თვითმფრინავები ქართულ ქალაქებს და მათ ქართველების მიერ ცხინვალის დაბომბვის კადრებად ასაღებდნენ. დღეს რა ხდება? - რუსეთის ტელევიზიები გადმოსცემენ ჩვენს მიერ აღდგენილი გორის და სხვა ქალაქების კადრებს და ასაღებენ როგორც რუსების მიერ აღდგენილ ცხინვალს. არაა ეს პარადოქსი?! ამ ხალხს ნგრევის მეტი არაფერი შეუძლია", - განაცხადა მიხეილ სააკაშვილმა.
პრეზიდენტმა აღნიშნა, რომ ის რაც ორ ქვეყანას შორის ხდება ერთი კაციას ბრალია.
" რუს ხალხს არ ვერჩი, მაგრამ მათ ხელმძღვანელობასთან არათუ პრეტენზია გვაქვს, არამედ ისინი არიან თავი და თავი, რაც საქართველოსთან მიმართებაში მოხდა და ასევე ის ხალხი, ვინც მათთან ერთად მუშაობს, ვინც ამბობს, რომ ომი საქართველომ დაიწყო და დიახ, სწორედ ერთი კაცის ბრალია ყველაფერი", - განაცხადა საქართველოს პრეზიდენტმა.
