ბათუმის საკრებულოს „ქრისტიან-დემოკრატი" წევრი ნაზი ქობულაძე სელიმ ხიმშიაშვილის ქუჩის მცხოვრებლებს შეხვდა და მათ პრობლემებს გაეცნო. მოსახლეობას სხვა საყოფავხოვრებო პრობლემებთან ერთად, კორპუსის ეზოში ძველი ლიფტების კანტორის ამორტიზებული შენობისგან შექმნილი ანტისანიტარია აწუხებს. მათი განცხადებით აღნიშნული შენობა წლების წინ კერძო პირმა სასტუმროს აშენების ვალდებულებით შეიძინა, თუმცა დღემდე მშენებლობა არ დაუწყია. მოსახლეობის ინფორმაციით ნანგრევებში მღრღნელები, რწყილები და მორიელები ბუდობენ და ეზოში მოთამაშე ბავშვებს საფრთხეს უქმნის.
ნაზი ქობულაძის განცხადებით იმ უწყებამ რომელმაც ეს შენიბა გაასხვისა, შენობის მფლობელს ვალდებულებების შესრულება უნდა მოსთხოვოს.
„პირველ რიგში კი მოვუწოდებთ ქალაქის მერიას, მოვიდეს და ამ ადამიანების უსაფრთხოებაზე იზრუნოს, რადგანაც ამ შენობის მოუწესრიგებლობის გამო ეზოში მღრღნელები და ქვეწარმავლები გავრცელდნენ." - განაცხადა ნაზი ქობულაძემ.
