ევროპის სახალხო პარტიის თავმჯდომარე ვილფრიდ მარტენსი "Le Monde"-ში გამოქვეყნებულ სტატიაში სახელწოდებით "მხარი დავუჭიროთ დემოკრატიას საქართველოში" ქვეყანაში არსებული პოლიტიკური ვითარების შესახებ აზრს გამოთქვამს.
ავტორი მიიჩნევს, რომ ბიძინა ივანიშვილს, რომელიც მიხეილ სააკაშვილი ძირითადი მოწინააღმდეგეა საპარლამენტო არჩევნების ყიდვა სურს.
"მას საკმარისი სახსარი აქვს, მის ქონებას Forbes - ი 6,4 მილიარდ ევროდ აფასებს. ის რაც თავისთავად არ არის პრობლემა, პრობლემად იქცევა მაშინ როდესაც ასეთი რესურსები მოქმედებას იწყებენ იმისათვის, რომ უკანონო ქმედებები განხორციელდეს", _ წერს მარტენსი.
ავტორი წერს, რომ ლობისტების მთელი არმია ცდილობდა ბოლო რამდენიმე კვირის განმავლობაში ევროპელი პარლამენტარების, ფუნქციონირების, ინტელექტუალებისა და ჟურნალისტების დარწმუნებას იმაში, რომ ახალგაზრდა ქართული დემოკრატია არ არის ის რადაც თავს ასაღებს და მხოლოდ ერთ ადამიანს შეუძლია მისი გადარჩენა: მილიარდერ-ფილანტროპს ბიძინა ივანიშვილს.
"სამწუხაროდ, ამ ზღვარგადასულ ძალისხმევას, რომლითაც მობილიზებულია ათობით ფიარ-სააგენტო, რომელთა შორისაც არის პარიზის, ბერლინის, ლონდონის და ვაშინგტონის ყველაზე ძვირადღირებული სააგენტოები, თან ასევე სდევს ათობით მილიონი დოლარის ხარჯვა თავად საქართველოში სამწუხაროდ, არც თუ მთლად ფილანტროპული მიზნებისათვის", _ წერს ავტორი და აგრძელებს: "ხმების ყიდვა, ათობით ათასი თანამგზარული ანტენა, მაცივრები და ტელევიზორები, რომლებსაც პოლიტიკური პარტია არიგებს, არჩევნების სამეთვალყურეო პარალელური სტრუქტურები რომლებსაც კვლავაც ეს სტრუქტურა აფინანსებს -აი რა ახასიათებს "ქართულ ოცნებას", ბიძინა ივანიშვილის პარტიას", _ წერს ვილფრიდ მარტენსი და ევროპის ყველა პოლიტიკურ ლიდერს პასუხისმგებლობისაკენ მოუწოდებს.
"მოვუწოდებ პასუხისმგებლობისაკენ ევროპის ყველა პოლიტიკურ ლიდერს, ჩვენ, ვინც რამდენიმე წლის წინ აღმოსავლეთ პარტნიორობის ფარგლებში გადავწყვიტეთ სტრუქტუირებული ურთიერთიბები დაგვემყარებინა ქვეყნებთან, რომლებიც ევროკავშირს აღმოსავლეთიდან ესაზღვრება. როგორი სიგნალის მიცემა გვინდა ჩვენ ამ ქვეყნის ლიდერებისათვის? და რა პერსპეტივის დემონსტრირებას ვახდენთ?", _ კითხვას სვამს ავტორი და დასძენს, რომ ის საქართველოში რამდენჯერმე იმყოფებოდა და მნიშვნელოვანი პროგრესიც აღნიშნა.
"პოლიტიკურ, ეკონომიკურ, ინტელექტუალურ და კულტურულ სფეროებში პროგრესს შეუძლია შურისგან გააფითროს მრავალი დასავლური დემოკრატია", _ ამბობს მარტენსი და მკითხველს შეახსენებს, რომ საქართველოში არჩევნები მომავალ შემოდგომას უნდა ჩატარდეს.
"ევროპარლამენტმა და ევროპულმა ორგანიზაციებმა, ევროსაბჭომ, ეუთომ იქ რაც შეიძლება მეტი დამკვირვებელი უნდა გააგზავნოს. ჩვენ ამ ახალგაზრდა დემოკრატიას შანსი უნდა მივცეთ გამოხატოს თავისი აზრი და არ უნდა დავუშვათ, რომ მისი ბედი მათ ხელში აღმოჩნდეს ვინც პირდაპირი მნიშვნელობით პოლიტიკის კორუმპირებას ახდენს და დამკვირვებელთა მისიის დასკვნაზე გავლენის მოხდენა უნდა", _ აცხადებს ავტორი და აღნიშნავს: "მე ამაყი ვარ იმით, რომ იმ პოლიტიკურ ოჯახში რომელსაც მე წარმოვადგენ, ევროპის სახალხო პარტიაში არის პრეზიდენტი სააკაშვილი. მე ვიცი, რომ საქართველოში დემოკრატიის გამტკიცების საკითხში მიხეილ სააკაშვილი იმედი შეიძლება მქონდეს", _ წერს ევროპის სახალხო პარტიის თავმჯდომარე ვილფრიდ მარტენსი.