კიევში ჩასულ ტურისტებს ამიერიდან აეროტაქსებით სარგებლობის საშუალება ექნებათ. კომპანია "აეროტაქსიში" განმარტავენ, რომ მგზავრებს ორძრავიანი ვერტმფრენი Eurocopter-ი მოემსახურებათ, რომელსაც საათში 300 კილომეტრის დაფარვა შეუძლია.
ყველაზე კომფორტული აეროტაქსით მგზავრობა მაინც უცხოელი ტურისტებისთვისაა, რადგანაც ბორისპოლის აეროპორტიდან და პირიქით, მათ სულ რაღაც 15 წუთში შეუძლიათ აღმოჩნდნენ. გარდა ტრადიციული მარშუტებისა, აეროტაქსის დაქირავება შესაძლებელია უკრაინის სხვა ქალაქებში გადაადგილებისთვისაც. უკრაინული მედიის ინფორმაციით, აეროტაქსებით ერთი საათით მგზავრობის ღირებულება 2,5 ათასი ევროა.
