საფრანგეთის, გერმანიის, დიდი ბრიტანეთის, ჩეხეთის, ესპანეთის და იტალიის წამყვანი მედიასაშუალებების წარმომადგენლებმა, ექსპერტების რანგში, საქართველოში არსებული მედია გარემო შეისწავლეს.
ევროპელმა ექსპერტებმა ქართულ მედიაში არსებული ტენდენციებზე, მათი დამოუკიდებლობის ხარისხზე, ოპერირების არეალზე და სხვა საკითხებზე შეაგროვეს ინფორმაციები. ჯგუფში მედიის ყველა სფეროს წარმომადგენელი შედიოდა.
ექსპერტებს შეხვედრები არ გაუმართავთ ხელისუფლებისა და ოპოზიციის წარმომადგენლებთან, თავად მედიის მეპატრონეებთან ან/და უფლებამოსილ პირებთან. მათ ინფორმაციები საზოგადოების სხვადასხვა ფენის წარმომადგენლებისგან მიიღეს.
ევროპელმა მედიაექსპერტებმა ერთადერთი ოფიციალური შეხვედრა ახალი ამებების სააგენტო "ჯი-ეიჩ-ენის" დირექტორთან, შავი ზღვის ქვეყნების ნაციონალური საინფორმაციო სააგენტოების ალიანსის ბიუროს წევრთან გოჩა მირცხულავასთან გამართეს.
"მე არ ვარ უფლებამოსილი ცალკეული დეტალების შესახებ ვისაუბრო. ჩემთან შეხვედრა გაიმართა, როგორც საერთაშორისო ალიანის ერთ-ერთ ხელმძღვანეთან. მათ ჰქონდათ სამუშაო ვიზიტი და იმ ინფორმაციის მიხედვით, რომელიც მე გააჩნია, საკმაოდ მნიშველოვანი მასალები წაიღეს, განსაკუთრებით მედიის დამოუკიდებლობის კუთხით. რამდენადაც ჩემთვის ცნობილია, მათ ჰქონდათ კერძო შეხვედრები დიპლომატიური წრეების წარმომადგენლებთანაც. ანგარიში, რომელიც ექსპერტების მასალების საფუძველზე მომზადება არ იქნება საჯარო. მას გამოიყენებენ ევროპის პოლიტიკურ და დაინტერესებულ წრეებში მთელი რიგი ინფორმაციების მონიტორინგისა და შეჯერებისას", - აცხადებს მირცხულავა.
მირცხულავა განსაკუთრებით საყურადღებოდ ორ გარემოებას მიიჩნევს, რომელსაც მედიაექსპერტეებმა მიაქციეს ყურადღება.
"აღინიშნა, რომ ქართულ მედიასივრცეში სულ რამდენიმე მედიაასაშუალებაა, რომელიც არ გამოხატავს ცალკეული პოლიტიკური თუ ფინანსური ჯგუფის ინტერესებს. პოლიტიკურ ჯგუფებზე დამოკიდებული მედიასაშუალებების გავრცელებული ინფორმაციებს კი მეტ წილად ტენდენციურად მიიჩნევენ. დასავლეთში ასეთ საინფორმაციო წყაროების სრული საინფორმაციო ნაკადის არ აღქვამენ ობიექტურად. მეორე ნიშანდობლივი ფაქტორი შემდეგი სახით გაჟღერდა - მედია ვერ იქნება თავისუფალი თუ ის არ არის დამოუკიდებელი", - განაცხადა მირცხულავამ.
მისივე თქმით, ექსპერტების ანგარიშის საფუძველზე განსაზღვრება ის მედიაბრენდები, რომელთა ინფორმაციებზეც დაყრდნობით შესაძლებელი იქნება სხვადასხვა ანალიზის მომზადება.
მირცხულავა აცხადებს, რომ ასეთი წარმომადგენლობითი მედიაჯგუფი საქართველოში შესაბამისი მისიით ჯერ არ ყოფილა და მიიჩნევს, რომ მათმა სტუმრობამ პერსპექტივაში დადებითი გავლენა უნდა მოახდინოს იმ ქაოსური ვითარების დალაგებაში, რომელიც ქართულ მედიაში, განსაკუთრებით ბოლო პერიოდში, შეიქმმნა.
"იმედს ვიტოვებ, რომ ჯგუფის მიერ მომზადებულ ანგარიში ქართველ პოლიტიკოსებს და ბიზნესწრეების წარმომადგენლებს განუსაზღვრავს მედიასთან ურთიერთობის წესებს", - აცხადებს მირცხულავა.
