უკრაინის პრეზიდენტი ვოლოდიმირ ზელენსკი იმედოვნებს, რომ რუსეთის წინააღმდეგ ევროკავშირის სანქციების მე-20 პაკეტის შინაარსის მომზადება ერთ თვეში დასრულდება და აცხადებს, რომ სიაში უნდა დაემატოს რუსეთის იურიდიული და ფიზიკური პირები, რომელებიც ენერგორესურსების გამომუშავებით იღებენ სარგებლობს, ასევე უკრაინელი ბავშვების გატაცებაში მონაწილე პირები. ამის შესახებ მან ვიდეომიმართვისას ისაუბრეს.
„ევროკავშირში ჩვენს პარტნიორებთან ერთად ვამზადებთ სანქციების მე-20 პაკეტს. ჩვენ ველოდებით, რომ ამ პაკეტის შინაარსი ერთ თვეში მომზადდება და ვთავაზობთ ევროკავშირის სანქციების მე-20 პაკეტს დაემატოს რუსეთის იურიდიული და ფიზიკური პირები, რომლებიც ჯერ კიდევ ენერგორესურსებიდან გამოიმუშავებენ ფულს.
ასევე იქნება განახლებული ინფორმაცია უკრაინელი ბავშვების გატაცების შესახებ. ამის წინააღმდეგ ნამდვილად საჭიროა გლობალური ზეწოლა“, - განაცხადა ზელენსკიმ.
ზელენსკიმ ასევე ხაზგასმით აღნიშნა, რომ „მნიშვნელოვნად მეტი ზეწოლა უნდა მოხდეს ყველა იმ სფეროზე, რომელიც რუსული სამხედრო წარმოებას მუსაობის საშუალებას აძლევს. ყველა რუსული რაკეტა, ყველა რუსული დრონი შედგება სხვა, კონკრეტული კომპონენტებისგან კონკრეტული ქვეყნებიდან, რომელთა გარეშეც რუსული იარაღი არ იარსებებდა. ამ საკითხზე მუშაობა გაცილებით აქტიური უნდა იყოს. და ეს, კერძოდ, უკრაინის საგარეო საქმეთა სამინისტროს პასუხისმგებლობაა“, - თქვა მან.
პრეზიდენტმა ასევე განაცხადა, რომ მომდევნო კვირებში ახალი მოლაპარაკებები იქნება ენერგეტიკული მხარდაჭერის გაზრდის მიზნით.
„არსებობს ქვეყნები, რომლებიც უკვე გვეხმარებიან, განსაკუთრებით ჩრდილოეთ ევროპის სახელმწიფოები.
ასევე ვამზადებთ შეთანხმებებს სამხრეთ ევროპის ქვეყნებთან.
და პოლიტიკური თვალსაზრისით, უკრაინელებისა და ჩვენი ქვეყნისადმი ევროპაში ასეთი გეოგრაფიულად დაბალანსებული მხარდაჭერა ძალიან მნიშვნელოვანია“, - დასძინა ზელენსკიმ.
