აშშ-ის პრეზიდენტმა დონალდ ტრამპმა ბელარუსში სპეციალური წარმომადგენლის თანამდებობაზე ჯონ კოული წარადგინა,

ამის შესახებ ის Truth Social-ში წერს.

9 ნოემბერს ტრამპმა განაცხადა, რომ კოული, რომელიც „ცნობილია, როგორც ერთ-ერთი ყველაზე გამორჩეული იურისტი“ შეერთებულ შტატებში, ბელარუსში შეერთებული შტატების სპეციალურ წარმომადგენლად იყო წარდგენილი.

„სიხარულით გაცნობებთ, რომ ჯონ კოული, რომელიც ჩვენი ქვეყნის ერთ-ერთ შესანიშნავ იურისტად არის ცნობილი და რომლის გამარჯვებებს შორის იყო თამბაქოსთან დაკავშირებულ საქმეში პირველი მნიშვნელოვანი მოგება, ბელარუსში შეერთებული შტატების სპეციალურ წარმომადგენლად არის წარდგენილი. მან უკვე წარმატებული მოლაპარაკებები აწარმოა 100 მძევლის გათავისუფლებაზე და კიდევ 50-ის გათავისუფლებას გეგმავს. წინასწარ მინდა, მადლობა გადავუხადო ბელარუსის უაღრესად პატივცემულ პრეზიდენტს, ალექსანდრ ლუკაშენკას, ამ ადამიანების გათავისუფლებასთან დაკავშირებით მისი ყურადღებისთვის“, – წერს დონალდ ტრამპი.