მაია ფანჯიკიძეს, ეკონომიკის მინისტრის ვერა ქობალიას განცხადებას ივანიშვილის ვერტმფრენის გაუმართაობასთან დაკავშირებით გადაჭარბებულად მიიჩნევს და აღნიშნავს, რომ ხელისუფლების ეს ნაბიჯი გარკვეულ მიზანს ემსახურება.
,,სიმართლე გითხრათ, მე ეს ამბავი ჟურნალისტებისგან გავიგე და როდესაც გავიკითხე აღმოჩნდა, რომ ეს მომხდარა ნოემბერში. სიმართლე გითხრათ, ამ ფაქტით განსაკუთრებით არ დავინტერესებულვარ.Lლაპარაკია არა თვითმფრინავზე, არამედ ვერტმფრენზე.Qქალბატონი ვერა შეშფოთება მისი სტანდარტების შესახებ გადაჭარბებულად მეჩვენება, მაგრამ ალბათ, გარკვეულ მიზანს ეს ემსახურებოდა", _ განაცხადა ჟურნალისტებთან მაია ფანჯიკიძემ.
მისივე თქმით, მან ოზურგეთში აქციის დაწყებამდე ცაზე ვერტმფრენები შენიშნა, რომლებიც სავარაუდოდ მოედანზე შეკრებილ ხალხის რაოდენობას აკონტროლებდა.
"მაგალითად გუშინ ოზურგეთში აქციის დაწყებამდე ვერტმნფრენები გურიის ცაზე შევნიშნე, რომლებიც რას აკეთებდნენ არ ვიცი, მაგრამ ალბათ ხალხის რაოდენობას აკონტროლებდნენ. Hჰგონიათ, რომ ჩვენც გვჭირდება მსგავსი მექანიზმები იმისათვის, რომ ხალხი მოვიყვანოთ აქციაზე", _ განაცხადა მაია ფანჯიკიძემ.
შეგახსენებთ, რომ როგორც "ჯი-ეიჩ-ენს" ეკონომიკსა და მდგრადი განვითარების მინისტრმა ვერა ქობალიამ განუცხადა, ბიძიინა ივანიშვილის საფრენი აპარატები ევროკავშირის სტანდარტებს არ შეესაბამება, რის გამოც მის საფრენ აპარატს გადადგილებასთან დაკავშირებით პრობლემები შეექმნა.
