ლუკას პოდოლსკისა და ლარს ბენდერის გოლებმა, გერმანელებს ჯგუფში აბსოლუტური შედეგი გაუნაღდეს - სამი მოგება სამი თამაშიდან. ბუნდესგუნდი B ჯგუფიდან მეოთხედფინალში 9 ქულით გავიდა. თავის მხრივ, მორტენ ოლსენმა დანიის მთავარი მწვრთნელის თანამდებობაზე პირველი მარცხი იწვნია.
უკვე მე-6 წუთზე მიულერს ანგარიში უნდა გაეხსნა, მაგრამ კარის ახლოდან დარტყმული პირდაპირ დანიელთა მეკარეს მოარტყა. გოლის გასატანად დიდხანს ცდას, გერმანელები არ აპირებდნენ. მე-19 წუთზე აუტიდან ჩამოწოდებული, მოწინააღმდეგის საჯარიმოში მიულერს მიუვიდა, რომელმაც კარისკენ გასწვრივი გადაცემა განახორციელა. გომესმა დანიელ მცველს ყურადღება მასზე გადმოატანინა, უკნიდან პოდოლსკიმ დაარტყა და ანგარიში გახსნა 1:0. ასე აღნიშნა ლუკასმა თავისი მე-100 თამაში ნაკრების მაისურით. ეს მისი 44-ე სანაკრებო გოლია.
დანიელებს გოლი არც ისე ლოგიკური გამოუვიდათ. იაკობსენის მოწოდებულ კუთხურს, პირველი ბენდტნერი გამოეხმაურა, რომლის გადაცემა კრონ-დელიმ გამოიყენა და ანგარიში გაათანაბრა - 1:1. აღსანიშნავია, რომ დანიელმა ნახევარმცველმა ევრო-2012-ზე ორი გოლი გაიტანა და ორივე 24-ე წუთზე.
გერმანელებმა დანიელთა ოცნებას წერტილი მე-80 წუთზე დაუსვეს. მათ სწრაფი კონტრშეტევა შეიმუშავეს, მიულერის გადაცემამ ლარს ბენდერი დასარტყმელ პოზიციაზე გაიყვანა, რომელმაც მეკარის საწინააღმდეგო მიმართულებით დაარტყა და გაიტანა. საბოლოოდ 2:1 გერმანელთა სასარგებლოდ.
დანია - გერმანია 1:2 (1:1)
ლვოვი. 17 ივნისი, 2012. „არენა ლვივი". 32990 მაყურებელი. 22:45
დანია (4-1-4-1): ანდერსენი, სიმონ პოულსენი, აგერი, კიაერი, იაკობსენი, იორგენსენი, კრონ-დელი, ზიმლინგი (კრისტიან პოულსენი, 78), იაკობ პოულსენი (მიკელსენი, 82), ერიკსენი, ბენდტნერი.
მთავარი მწვრთნელი: მორტენ ოლსენი.
გერმანია (4-2-3-1): ნოიერი, ლამი, ბადშტუბერი, ჰუმელსი, ბენდერი, შვაინშტაიგერი, ხედირა, პოდოლსკი (შურლე, 64), იოზილი, მიულერი (კროსი, 84), გომესი (კლოზე, 74).
მთავარი მწვრთნელი: იოახიმ ლიოვი.
გოლები: 0:1 პოდოლსკი (19), 1:1 კრონ-დეილი (24), 1:2 ბენდერი (80).
მსაჯები: კარლოს ველასკო კარბალიო, რობერტო ალონსო ფერნანდესი, ხუან იუსტე ხიმენესი, დავიდ ფერნანდეს ბორბლანი, კარლოს კლოს გომესი (ყველა ესპანეთი); მარკ კლატენბურგი (ინგლისი).
დარტყმა 9 (5)-12 (5); ჯარიმა 8-6; კუთხური 5-3; თამაშგარე 4-2; ბურთის ფლობა 43%-57%; სეივი 4-4.
