ინდონეზიაში გამქრალ "Superjet 100"-სთან დაკავშირებული ამბის კეთილად დასრულების შანსი მცირეა. მასთან კავშირი ამ დრომდე არ არის. ინფორმაციას ამის შესახებ რუსული მედია რუსული საავიაციო დარგის ინფორმირებულ წყაროზე დაყრდნობით ავრცელებს.
"ჩვენ ჯერ არ ვიცით, რა მოხდა, ეკიპაჟთან კავშირი უკვე კარგა ხანია არ არის. სამწუხაროდ, გამოცდილება გვიჩვენებს, რომ ამ ამბის კეთილად დასრულების შანსი ძალიან მცირეა", _ აცხადებს წყარო.
ინდონეზიაში საავიაციო გამოფენაში მონაწილე უახლესი რუსული ლაინერი Superjet 100 რადარის ხედვიდან გაქრა და დანიშნულების ადგილზე არ მისულა. ლაინერში 44 მგზავრი იმყოფებოდა, აქედან 8 რუსეთის მოქალაქე იყო, დანარჩენი კი სხვადასხვა ქვეყნის. არც ერთი მგზავრი ტელეფონზე არ პასუხობს.
ინდონეზიური მხარე თვითმფრინავის გატაცების სცენარს არ გამორიცხავს, რადგან ჩამოვარდნის შემთხვევაში ავარიული გადამცემი უნდა ამუშავებულიყო. თუმცა არც იმას გამორიცხავენ, რომ თვითმფრინავი ხეს შესჯახებოდა.
