აჭარის მთავრობის თავმჯდომარემ, ლევან ვარშალომიძემ გერმანული სახელმწიფო ბანკის - KFW-ს დელეგაცია მიიღო. შეხვედრაზე რეგიონისა და KFW-ს შემდგომი თანამშრომლობის საკითხები განიხილეს. როგორც ცნობილია, რამდენიმე წელია, რაც ბათუმის მერია KFW-ს ფინანსური მხარდაჭერით ქალაქის წყლისა და კანალიზაციის სისტემების ძირეულ რეაბილიტაციას ახორციელებს.
„პროექტის მიმდინარეობით კმაყოფილნი ვართ. აჭარაში ყოველი ჩამოსვლისას თვალშისაცემია ბათუმში მიმდინარე ცვლილებები" - აღნიშნა პროექტის მენეჯერმა სანდრა ჰანუშმა.
ლევან ვარშალომიძის განცხადებით, მუშავდება წყალმომარაგების სისტემის სტრუქტურული რეორგანიზაციის პროექტი, რომელიც ბათუმსა და რეგიონის მუნიციპალიტეტებს ერთიან სისტემაში მოაქცევს.