პარლამენტის დღევანდელ პლენარულ სხდომაზე, პრემიერის სიტყვით გამოსვლის შემდეგ, გიორგი თარგამაძემ განაცხადა, რომ ერთჯერად ვაუჩერებზე წლების განმავლობაში დახარჯული 40 მილიონით, 5000 ტრაქტორის შეძენა იქნებოდა შესაძლებელი, რითაც საქართველოს მექანიზაციის პრობლემასრულად მოგვარდებოდა.

თარგამაძემ პრემიერ-მინისტრს ასევე მოუწოდა, საგადასახადო ადმინისტრირების საქმე ბოლომდე მიიყვანოს, სისხლის სამართლის კოდექსიდან 218 მუხლი მთლიანად იქნას ამოღებული და ეკონომიკური დანაშაულის სრული სისხლის სამართლებრივი ლიბერალიზაცია მოხდეს.
,,სატელევიზიო კლიპები და საგადასახადო ინსპექტორების ადამიანური სახის ჩვენება, ამას არ შველის. დღესვე შევთანხმდეთ იმაზე, რომ მცირე ბიზნესს, სილამაზის სალონებს, პურის საცხობებს დროულად გამოუცხადოთ, რომ მათ ფიქსირებული გადასახადი ექნებათ. გადასახადი მათი შემოსავლის ადეკვატური უნდა იყოს - არა 100 ლარი, არამედ, როგორც მინიმუმ, ამის ნახევარი და დიფერენცირებული,, - მიმართა გილაურს დეპუტატმა.

მან მთავრობას ასევე ურჩია, რომ ქალბატონებისათვის 8 მარტის, ან 3 მარტის მილოცვლის ნაცვლად, დეკრეტული შვებულების თანხა და ვადა გაზარდოს.

პრემიერ-მინისტრმა, დეპუტატების კითხვებს პასუხი, სხდომაზე გამოცხადებული შესვენების დასრულების შემდეგ უნდა გასცეს.