კომპანია „ნატახტარის" სოციალური პროგრამის - „იზრუნე მომავალზე" - პირველი ეტაპი, თანხის შეგროვება, 15 თებერვალს დასრულდა. პროექტი, რომელიც 15 ნოემბერს დაიწყო და სამი თვის განმავლობაში გრძელდებოდა, გულისხმობდა ყოველი გაყიდული ნატახტარის ლიმონათიდან სპეციალურ ფონდში წინასწარ განსაზღვრული თანხის (1, 3 და 5 თეთრი) გადარიცხვას კომპანიის მიერ. ამჟამად მიმდინარეობს აკუმულირებული თანხის დაანგარიშება. აღნიშნულ საკითხთან დაკავშირებით აუდიტორული კომპანიის Pricewaterhouse Cooper-ის დასკვნა 12 მარტს გამოქვეყნდება.
შეგახსენებთ, რომ კომპანია „ნატახტარმა" ახალი პროექტი „იზრუნე მომავალზე", რომელიც მზრუნველობამოკლებულ ბავშვების დახმარებას ითვალისწინებდა 15 ნომერიდა დაიწყო. ახალი პროექტი მათ საშუალებას მისცემს თავი დაიმკვიდრონ საზოგადოებაში. აქცია კომპანიის პირველი მასშტაბური პროექტია, რომელიც ბავშვების დახმარებისკენ იქნება მიმართული.
ფონდი პატრიარქის თანადგომითა და ლოცვა-კურთხევით და არასამთავრობო ორგანიზაცია, ასოციაციაა „ჩემი სახლი-საქართველოს" მხარდაჭერითა და დახმარებით შეიქმნა. აქცია 15 ნოემბრიდან 15 თებერვლამდე მიმდინარეობდა და „ნატახტარის ლიმონათის" თითოეული გაყიდული ბოთლიდან თანხა ფონდში გადაირიცხა. თანხის რაოდენობა ბოთლის მოცულობის შესაბამისად 0.5 ლ. 1ლ. და 2ლ. 1, 3 და 5 თეთრი იყო.
