ქართულ ბიზნეს შესაძლებლობა ეძლევა ჩინეთში დაგეგმილ საიმპორტო პროდუქციის საერთაშორისო გამოფენაში მიიღონ მონაწილეობა. სავაჭრო-სამრეწველო პალატის ინფორმაციით, 29-31 მარტს, ჩინეთში, ძიანძუს პროვინციის ქალაქ კუნშანში დაგეგმილია საიმპორტო პროდუქციის საერთაშორისო გამოფენა-ბაზრობა "China International Import Expo (CIE 2012)". აღნიშნული ღონისძიების ერთ-ერთი ორგანიზატორია ჩინეთის საგარეო ვაჭრობის პალატა.
როგორც სავაჭრო-სამრეწველო პალატაში განმარტავენ, გამოფენაზე სხვა ტიპის საქონელთან ერთად, წარმოდგენილი იქნება სამომხმარებლო და სასოფლო-სამეურნეო სახის პროდუქცია, მათ შორის ღვინოები. გათვალისწინებულია ორმხრივი შეხვედრები პოტენციურ ჩინელ მყიდველებთან.
