„გზავნილებში მნიშვნელოვანი ზრდა ფიქსირდება აზიის და ლათინოამერიკული ქვეყნებიდან, ეს მთლიანობაში საქართველოს ამ ქვეყნებზე ორიენტირების შედეგია, რაც ექსპორტის ზრდის მონაცემებშიც კარგად ჩანს. ზრდის ლიდერები არიან ინდოეთი, კოლუმბია. გადარიცხვები გაზრდილია კამერუნში, ტოგოში და ნიგერიაში რაც აფრიკელი ემიგრანტების ზრდით შეიძლება ავხსნათ. ასევე მექსიკაში და საფრანგეთში"- ნათქვამია ეკონომიკური კვლევებისა და კონსულტაციების ცენტრის კვლევაში.

შემცირების ტენდენციაა თურქეთიდან გზავნილების, რაც ამ ქვეყანაში ქართველებისთვის გართულებული სამუშაო პირობებით და შეზღუდვებით არის გამოწვეული. 2012 წელს გზავნილები კიდევ უფრო შემცირდება, რადგან ქვეყანა საქართველოდან სამუშაოს მაძიებლებისთვის სამუშაო ვიზების გარეშე მუშაობის შეზღუდვას აპირებს; თურქეთთან ფულადი ტრანსფერების მოცულობა უფრო მეტია, რადგან გეოგრაფიული სიახლოვე სამუშაო ძალის ხშირ მოძრაობას უწყობს ხელს, შესაბამისად მიგრანტებს ფული ,,ჯიბით'' გადააქვთ და გადმოაქვთ. (თურქეთში არაოფიციალური მონაცემებით 100 ათასი მიგრანტი ფიქსირდება)".
ამ დროისათვის სწრაფი ფულადი გზავნილების ბაზარზე 20-ზე მეტი კომპანია მოქმედებს, ბაზრის ლიდერი 2011 წელს ჩარიცხვების ნაწილში შეიცვალა და Unistream გახდა, რომელიც საქართველოს ძირითად დონორ ქვეყნებში, განსაკუთრებით რუსეთში მისი პოზიციების გაძლიერებით და საქართველოში ლიბერთი ბანკთან ექსკლუზიური ურთიერთობით არის გამოწვეული;

„ასევე რუსეთიდან გზავნილებს ემსახურება Zolotaia Korona, რომელმაც 2,5-ჯერ გაზარდა გატარებული თანხის მოცულობა. საბერძნეთიდან და იტალიიდან გზავნილებს ძირითადად ემსახურება Intel Express, რაც მისი სტაბილურ განვითარებაზეც არის ასახული, გამოირჩევა დაბალი საკომისოთი, გააჩნია ქსელი ქვეყნის მასშტაბით;

Western Union-ი, ბოლო ტენდენციებით პოზიციებს თმობს, მიუხედავად ამის გადარიცხვების სეგმენტში ისევ პირველია, რაც მისი ადგილობრივი სარეკლამო აქციებით და მსოფლიოში დაფარვის ფართო ქსელით არის გამოწვეული.

გადარიცხვების სეგმენტში სწრაფი ტემპით ვითარდება Privat Money, რომელი ,,პრივატბანკის'' შიდა ქსელია და ძირითადად უკრაინაში და იმ ქვეყნებში გადარიცხვებს ემსახურება, სადაც ბანკს ქსელი აქვს.

მთლიანობაში საქართველოს სწრაფი ფულადი გზავნილების ბაზარი დინამიური ზრდით ხასიათდება. წინასწარი შეფასებით კომპანიების შემოსავალი წელიწადში 25-30 მლნ. აშშ დოლარია. გამძაფრებულია კონკურენცია, რაც გამოიხატება რამდენიმე ლიდერის გაძლიერებაში და შედარებით ბაზრის მცირე წილის მქონე კომპანიების პოზიციების შესუსტებაში"- ნათქვამია ეკონომიკური კვლევებისა და კონსულტაციების ცენტრის კვლევაში.

კვლევის მიხედვით ირკვევა, რომ ბაზარზე მოქმედი დაფინანსო სისტემების მიერ შეთავაზებული პირობები მრავალფეროვანია, დამოკიდებულია ქვეყანაზე, სადაც თანხა იგზავნება, თანხის მოცულობაზე. საკომისიო განაკვეთები მერყეობს 1-3%-ს ფარგლებში, არსებობს მინიმალური თანხის მოცულობებიც. უმრავლესობაში გადარიცხვების სისტემებში გადარიცხვის ლიმიტები შეზღუდულია, გამონაკლისი არის - LEADER, UNISTREAM, Zolotaia Korona. ყველაზე დიდი დაფარვის ქსელით გამოირჩევა - Western Union.