საქართველოს საინვესტიციო გარემო რეგიონში კვლავ საუკეთესოა, ასეთ დასკვნას EBRD აკეთებს. „ცხოვრება ეკონომიკური გარდაქმნის პირობებში" სახელწოდებით 2010 წელს ევრობანკისა და მსოფლიო ბანკის მიერ ჩატარებული მე-2 კვლევის თანახმად, კორუფციის დონე ისევე დაბალია, როგორც დასავლეთ ევროპის ქვეყნებში. მსოფლიო ბანკის მიერ 2011 წელს განხორციელებული „ბიზნესის კეთების" კვლევის თანახმად, საქართველო კვლავ ინარჩუნებს ბიზნესის სიიოლის მიხედვით ერთერთი საუკეთესო ქვეყნის მაჩვენებელს. ხელისუფლებამ დაიწყო საგადასახადო ადმინისტრაციის პოლიტიზაციის შესახებ გასულ წელს გამოთქმულ წუხილზე რეაგირება. მთავრობამ გააძლიერა მის მიერ ფისკალურ მდგრადობაზე ნაკისრი ვალდებულების ნდობის მანდატი და კიდევ უფრო გაამარტივა საგადასახადო შემოსავლების ადმინისტრირება. 2011 წლის ივლისში დამტკიცებული ეკონომიკური თავისუფლების აქტი 2014 წელს შედის ძალაში. ამ დოკუმენტის თანახმად ბიუჯეტის ხარჯვით ნაწილზე ზედა ზღვარი იარსებებს მთლიანი შიდა პროდუქტის (მშპ) 30 პროცენტის დონეზე. შეიზღუდება ასევე საბიუჯეტო დეფიციტის მაჩვენებელიც და მშპ-ს 3% იქნება, ხოლო სახელმწიფო ვალი - მშპ-ს 60%. ახალი გადასახადების შემოღებაზე რეფერენდუმის მოთხოვნით შემსუბუქდება ფისკალური პოლიტიკის შეზღუდვებიც. ეს ნორმაც 2011 წელს იქნა შემოღებული. 2010 წლის სექტემბერში დამტკიცებული ახალი საგადასახადო კოდექსით გამარტივდა საგადასახადო რეჟიმი მცირე და საშუალო ზომის საწარმოებისთვის. დაინერგა მიკრო ბიზნესის ახალი კატეგორია, რომელიც საშემოსავლო გადასახადით არ დაიბეგრება. ხსენებული საგადასახადო კოდექსით განსაზღვრულია საგადასახადო ბაზის გაფართოება - სააქციზო გადასახადების გაზრდით და დამატებითი ღირებულების გადასახადის (დღგ) მიყენებით იმ პირებისადმი, რომელთა წლიური ბრუნვა 100,000 ლარს აღემატება. ასევე, მცირე ბიზნესისთვის დაწესდა ზომიერი საშემოსავლო გადასახადი. ხელისუფლებამ გააძლიერა ელექტრონული საქმეთწარმოების სისტემა, რომელიც ეხლა ინტერნეტის რეჟიმში აერთიანებს ყველა საგადასახადო და საშემოსავლო მომსახურებას. თუმცა, შემოსავლების მობილიზაციაზე გაზრდილმა წნეხმა ბიზნეს წრეებში შეშფოთება გამოიწვია საშემოსავლო სამსახურის მიერ წესების თვითნებური მორგების თაობაზე.