“ათასწლეულის განვითარების მიზნების” საპარლამენტო ჯგუფი და გაეროს მოსახლეობის ფონდი
(UNFPA) პარლამენტის ჯანმრთელობის დაცვისა და სოციალურ საკითხთა კომიტეტთან ერთად გაეროს ერთობლივი პროექტის ფარგლებში მიმდინარე წლის 19 და 20 ოქტომბერს,
11:00 საათზე, პარლამენტის წევრებისა და პარლამენტის აპარატის თანამშრომლებისთვის აწყობს სემინარებს აივ ინფექციისა და შიდსის თემატიკაზე. სემინარები ჩატარდება საქართველოს პარლამენტის შენობაში, ილია ჭავჭავაძის სახელობის დარბაზში.
შეხვედრაზე განხილული იქნება აივ ინფექციის და შიდსის გავრცელების და პრევენციის საკითხები, აივ ეპიდემიის თავისებურებები საქართველოში, აივ ინფექციასთან და შიდსთან დაკავშირებული სტიგმა და დისკრიმინაცია, შიდსის საპასუხო გლობალური და ეროვნული პოლიტიკა და სტრატეგიები.
სემინარებს გაუძღვებიან გამოცდილი ექსპერტ-ტრენერები არასამთავრობო ორგანიზაცია “თანადგომიდან".
თითოეულ სემინარზე მოწვეული იქნება 25 მონაწილე, რომლებიც სემინარებზე სრული დასწრების და შესაბამისი ტესტების შევსების შემდეგ მიიღებენ სერტიფიკატებს.
