საქართველოში 2013 წლის ბოლომდე 150 ახალი სამედიცინო ცენტრი გაიხსნება. პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე შრომის, ჯანმრთელობისა და სოციალური დაცვის მინისტრის მოადგილე მიხეილ დოლიძემ განაცხადა, რომ ეს ობიექტები ჰოსპიტალური რეფორმის ფარგლებში შენდება და თანამედროვე სტანდარტებს სრულად დააკმაყოფილებს. მათგან 50-მდე კლინიკა უკვე ფუნქციონირებს. 2011 წლის ბოლომდე ქვეყანაში ახალი საავადმყოფოს გარეშე არც ერთი რაიონი არ დარჩება.
პარლამენტის ჯანდაცვის კომიტეტის სხდომაზე ჰოსპიტალურ, ბავშვზე ზრუნვისა და ფარმაცევტულ სექტორში რეფორმების მიმდინარეობის საკითხებზედაც იყო საუბარი.
